2.12.2010

奶油椰絲包

      小時候喜歡的奶油椰絲包,近年已較少吃到,一方面是賣這款老式港式包的面包店愈來愈少,另方面自己也提不起興趣去番尋味,以前最愛的滑溜溜甜絲絲的奶油成了今日避之則吉的恐怖份子,實在太膩了。那天學做了幾個,這次由我作主,下的奶油份量能少則少,弄得幾個椰絲包瘦瘦的、小小的,一副像營養不良模樣,一點也不豐腴吸引,幸好,味道還是可以的,而且吃得健康安心,箇中總有得失。

6 則留言:

梁巔巔 說...

以前完全唔鍾意!

而家勁愛吃!

舞了 說...

巔巔, 見你咁賞面, 我都唔怕老實招來喇, 其實, 我係做得慢, 每次搞到最後都要落雨收柴咁收科. 就係咁, 先至成pat奶油係咁撻落去個包度咋, 原本個步驟係要好有心機去唧花既.

可能亦係因為咁, 個導師先至"悠閑"前"悠閑"後咁稱呼我呀, 真係聽到骨都痺埋.
(. .)
(○)

梁巔巔 說...

個導師想追妳呀!!!! ^~

舞了 說...

人地等收工呀, 咁都唔識聽.

Ebenezer 說...

好多麵包店的奶油椰絲包典賣相還可以,但包的味道有些就很不濟。

我想,妳親手所造的奶油椰絲包一定是誠懇之作,味道一定好好,可唔可以請我食?^^

舞了 說...

Ebenezer,

當然可以, 但你要請我喝咖啡.

而我做的酸乳酪芝士蛋糕比這個椰絲奶油包更好味道, 要是再配上紅茶或咖啡之類就一定相得益彰.