9.08.2011

巴士出煙

琴日放工坐的87D巴士 喺駛到亞公角附近出煙, 我當時仲係'恰'緊, 突然被一陣臭味chok醒, 迷迷糊糊之間只意識到可能有火警,  於是睜眼望了一下窗外,  竟然見到有煙, 但係係車內唔係車外, 呢刻先至驚醒係巴士有事,

我即刻從坐位中跳起, 繞過身旁既女乘客, 直奔車頭司機位置, 此時車內其他乘客亦開始起哄, 個個都說為什麼好臭好臭, 但仍然坐喺坐位. 呢個時候司機才開始解話, 話車尾出煙, 要乘客準備落車. 不過駕車離前面個站仲有約20米, 司機仍然繼續駛前埋站.

我真係唔明點解司機唔即刻停車, 當時駕巴士有7成滿, 如果真係引擎熱到著火咁就後果不堪設想. 我係第一個落車既乘客都嚇得揑一把汗, 難委果d坐上層落最後果批, 真係嚇餐死.